Biblioteca do IES Primeiro de Marzo

Ano Internacional dos Bosques II

2011-11-23T12:09:00.000-08:00

Corpos arbóreos é un documental de Andrés Victorero de 27 minutos de duración que fala de nove árbores singulares de Galicia. Foi galardonado co Premio “Eugenio Tutor” ao mellor traballo científico documental no 15 Festival de cine de Zaragoza 2010.
Só atopei esta versión es castelán. Onde andará a versión galega?.

Corpos arbóreos (castellano) from Andres Victorero on Vimeo.

2011 Ano Internacional dos Bosques

2011-11-20T12:17:00.001-08:00

Con motivo da declaración pola ONU do 2011 como Ano Internacional dos Bosques, o Departamento de Ciencias e a Biblioteca, organizan unha serie de actividades arredor desta celebración.

1º Dentro das actividades do Club de Lectura propomos o libro O home que plantaba árbores de Jean Giono.
2º Unha Olimpíada do Saber que comeza o luns 21 de novembro.
3º Unha selección de libros nos que as árbores son de diferentes xeitos as protagonistas.

Esperamos que vos gusten e participes nalgunha delas.

Día do Libro 2011

2011-04-25T12:38:00.000-07:00

Como este ano o 23 de abril estabamos de moi merecidadas vacacións, no instituto adiantamos a celebración ao venres 16: Organizado polo departamento de Lingua Castelá e coa colaboración dos departamentos de Francés, Inglés, Latín, Música, Plástica, Ciclo .... asistimos a un recital de poemas en todas as linguas que se estudian no centro e tamén puidemos escoitar una selección de pezas musicais. Ademais, o concurso de carteis deixou as paredes ateigadas de carteis como podes comprobar.

Parabéns a tod@s.

Videoconferencia con Alfonso Zapico

2011-02-21T01:56:00.001-08:00

O lun 14 de febreiro, dentro das actividades que sobre a banda deseñada estivemos realizando, tivemos o pracer de contar coa presenza virtual de Alfonso Zapico para falarnos da súa novela gráfica Café Budapest, obra proposta polo club de lectura.

Aproveitamos para recomendarche a lectura da outra obra do autor que temos na biblioteca, La guerra del profesor Bertenev.

Olimpiada do saber

2011-01-16T14:09:00.000-08:00

O luns comeza a olimpíada de saber, xa sabes que o tema é a banda deseñada. Non esquezas pasar no recreo pola biblioteca para recoller as instrucións e as primeiras preguntas.

Moita sorte a todos os grupos participantes!!!

Exposición banda deseñada

2011-01-16T14:01:00.000-08:00

Do 17 de xaneiro ao 11 de febreiro, teremos no corredor dos departamentos unha exposición sobre banda deseñada que nos ceden dende o IES de Rodeira de Cangas. Ademais realizaremos unha serie de actividades coa banda deseñada como protagonista.
Pásate pola exposición e participa nas actividades.

Boas vacacións

2010-12-21T23:41:00.000-08:00

Despois dos momentos de estrés de final de trimestre por fin chegan as merecidas vacacións de nadal. Na da mellor para comezalas que pasar pola biblioteca e levar algún libro. Se non te das decido podes consultar o boletín de recomendacións que dende a biblioteca preparamos para ti.

Boas vacacións

Día da ciencia en galego

2010-11-22T01:24:00.000-08:00

O día 4 de novembro celebrouse o Día da Ciencia en Galego. Na biblioteca tes unha exposición con libros en galego das das materias de ciencias. Estará durante todo o mes.

Tamén podes ver o video que María fixo sobre a actividade que os departementos de Tecnoloxía e Bioloxía fixeron para esta data

23 de abril: Día do libro

2010-05-05T02:19:00.000-07:00

O día 23 de abril celebramos o Día do Libro, das moitas actividade organizadas polo Departamento de Lingua Castelá, mostramos os carteis elaborados polo alumnado do centro.

Un producto revolucionario

2010-05-03T09:38:00.000-07:00

Ás veces esquezemos que as cousas, canto máis simples, mellores son.

Historia do libro

2010-03-01T11:35:00.000-08:00

Do 1 ao 12 de marzo, no corredor da sala de profesores/as tes a túa disposición unha exposición sobre a historia do libro. A exposición foi elaborada polo Equipo de Biblioteca do IES Fernando Esquío de Neda aos que agradecemos a súa xenerosidade por compartir o seu trabalo con nós. No seguinte enlace http://blogfesquio.blogspot.com/2009/04/exposicion-sobre-historia-do-libro.html podes ver o contido da exposición. Durante o recreo podes visitala libremente, nas outras horas haberá compañeiros/as percorréndoa acompañados por algún profesor/a.

Esperamos que vos guste e coma sempre convidámosvos a deixar as vosas opinións.

Visita de Pepe Carballude

2010-02-22T10:22:00.000-08:00

Este venres estará connosco o escritor Pepe Carballude para falar da súa última obra Xograres dun tempo novo e responder as vosas preguntas.

Na biblioteca podes atopar outros libros do autor: ¡Maldito D.N.I!, Investigación o91, Historia do home can, S.O.S, Paixase con fondo gris .......

Deixa un comentario coa túa opinión sobre os seus libros e sobre a súa visita.

Parabéns a tod@s

2010-02-01T02:43:00.000-08:00

Temos o instituto cheo de grúas pola paz, perdemos a conta do número. Lembramos as palabras que se poden ler no pedestal do monumento a Sadako Sasaki no Parque da Paz de Hiroshima:

“Este é o noso berro,
esta é a nosa pregaria;

paz no mundo”

30 de xaneiro

2010-01-13T11:09:00.000-08:00

É o Día Escolar da Paz e da Non Violencia. Para esta efeméride propoñemos dúas actividades: a lectura do libro Sadako e as 1000 grúas de papel da escritora Eleanor Coerr e a elaboración das grúas de papel.

Concurso Marcapáxinas

2009-06-22T04:38:00.000-07:00

Por fin temos o resultado do concurso de marcapáxinas, os gañadores son:

Javier Rodríguez García
2º B Bacharelato

Aarón Cameselle Álvarez 4º B ESO

Recomendacións para o verán

2009-06-16T10:43:00.000-07:00

Imos deixar dúas recomendacións de lectura para que vaias pensando en que libros vas levar para as vacacións. Tamén podes facernos chegar as túas.

Moonkid e Liberty de Paul Kropp

Trata de dous nenos, Ian e Libby, que son irmáns e viven co pai. O Neno conta o que lle pasa a el e a nena o que lle pasa a ela. Son cousas moi interesantes e cando comezas a lelo queres saber o que vai pasar.
A min no me gusta ler pero cando comecei a ler este libro gustoume, e estaba moi intrigada para saber o que ía pasar e non puiden deixar de ler ata que o acabei, ¡¡¡¡Só tardei 3 días!!!! Tanto me gustou que lle pedin outro parecido á profe.

Raquel Domínguez Alonso 3ºPDC

¡¡ Asústate merche !! de Fina Casalderrey

O libro trata dunha nena que vai a unha excursión organizada por Salvador, o cura do pobo.
Auria odia aos homes porque lle fixeron moito dano á súa nai.Pero na excursion namorase de Paio, un rapaz de Ferrol.
Auria descobre algo sobre Paio e ela e a única forma que ten de escapar é suicidándose.
Se che apetece ler o final do libro cólleo na biblioteca do instituto.É un libro moi interesante e con moita intriga e non podes parar de lelo.
A min gústame ler, pero libros que non me aburran e este é moi fácil porque nunha noite lino.
Aconséllovos que o leades e xa veredes como vos gusta.

Jessica Leyenda Da Silva 3º PDC

23 de abril, Día do Libro

2009-04-21T00:57:00.000-07:00

A asociación Espazo Lectura do veciño concello de Gondomar está a organizar unha serie de actividades con motivo desta celebración e invítanos a participar. Aquí tes o programa, tamén podes consultar o seu blog.

Club de Lectura Lerias

2009-04-21T00:33:00.000-07:00

A nova proposta do club de lectura é a obra do escritor Mark Haddon, The curious incident of the night-time. Pasa pola biblioteca e colle o teu exemplar.

Anxo Fariña e os seus megatoxos nos visitan

2009-02-26T09:03:00.000-08:00

O venres 27 de febreiro nos visita o ilustrador e escritor Anxo Fariña. O alumnado do 1º ciclo estivo a ler a saga dos megatoxos e terá a oportunidade de falar co seu autor.

Deixanos un comentario coa túa opinión sobre os seus libros e a súa visita.

30 se xaneiro: Día Escolar pola Paz

2009-01-28T05:44:00.000-08:00

Dentro das actividades do Día Escolar pola Paz, tes na biblioteca unha pequena selección de libros que tratan o tema da guerra e de como esta afecta a vida cotiá das persoas. Esperamos que atopes algún que che guste.
Tamén podes coller o díptico que preparamos con información sobre esta celebración e esa selección de libros.

A biblioteca do CEIP MESTRE MARTÍNEZ ALONSO ven de preparar unha webquest sobre o Día da Paz coa que podes aprender máis sobre esta tema.

Club de Lectura LERIAS

2009-01-21T01:36:00.000-08:00

Como xa saberás polos carteis o Club de Lectura comeza as súas actividades. O libro proposto é A Cabeza de Medusa de Marilar Aleixandre. Pasa pola biblioteca e colle o teu exemplar do libro.

O Club de Lectura conta co seu propio blog onde poderás informarte das propostas de lectura e deixar os teus comentarios sobre as mesmas. Tes o enlace na marxe dereita.

Concurso de marcapáxinas

2008-11-26T05:43:00.000-08:00

Aqui tedes os deseños presentados ao concurso de marcapáxinas. Agora hai que elexir os que máis vos gustán. Só tes que deixarnos un comentario indicando o número do teu preferido e o teu nome e curso.

¡Esperamos as vosas opinións!